“Daha “Formula-1”də autsayder komandalar yoxdu”
“Haas”ın pilotu Niko Hülkenberq komandanın mövsümün ilk hissəsindəki çıxışını dəyərləndirib:
“Üç il ərzində özünə daimi yer tapmayandan sonra gözləntilərin necə dəyişdiyini görmək maraqlıdı. Üç mərhələnin hər birində top-10-da start götürdük, Kevin Maqnussen Ciddədə komandamızın ilk xalını qazandı, ardından mən hesabımıza daha 6 xal əlavə etdim. Odu ku, mövsümün birinci hissəsi heç də pis alınmadı. Dörd komandanın bütün başqalarından necə uzaqlaşdığını görürük. Ancaq onlardan sonra pelotonun ortasında bütün başqa komandalar bərabər mübarizə aparır. Daha “Formula-1”də autsayder komandalar yoxdu. Pelotonun ortasında yer almaq uğruna mübarizədə hər şeyi nüanslar və saniyənin ondabiri həll edir”.
Yeri gəlmişkən, Hülkenberq aprelin 28-30-da Bakıda keçiriləcək mərhələdə cərimələnəcək. Buna 36 yaşlı pilotun Avstraliyadakı yarışın sonunda uğursuzluqla üzləşməsi səbəb olub. Almaniyalı pilot “MGU-K” kinetik generatorunu dəyişəcəyi üçün cərimə ilə üzləşəcək. Bunun hər mövsümdə yalnız iki dəfə dəyişdirilməsinə icazə verilir. Hülkenberq isə artıq üçüncü dəfə belə halla üzləşmiş olacaq.
Xatırladaq ki, “Haas” Mühəndislər kubokunda 7 xalla 7-ci pillədə qərarlaşıb. Lider “Red Bull”un 123 xalı var.
Digər xəbərlər
