“Sabah” rəsmisindən “Liv Bona Dea Arena” açıqlaması – klub ora nə vaxt köçəcək?
“Sabah”ın “Liv Bona Dea Arena”ya köçəcəyi ilə bağlı yayılan iddialar təsdiqini tapdı. Dünən ev oyunlarını həmin stadionda keçirən “Araz-Naxçıvan”ın icraçı direktoru Eldəniz Yusubov “Football-plus.az”a açıqlamasında AFFA-dan onlara özlərinə yeni stadion tapmalı olduqlarını bildirdiklərini dedisə, bu gün “bayquşlar”ın həmin idman qurğusunu ehtiyat meydança kimi PFL-ə təqdim etdiyi üzə çıxdı.
Bəs, komandanın hazırda ev oyunlarını keçirdiyi “Bank Respublika Arena”nın taleyi necə olacaq? “Bayquşlar”ın Masazırı tərk etməsinin səbəbi nədi? Yoxsa komanda hər iki stadionun xidmətindən yararlanmaq niyyətindədi?
Bu suallarla klubun mətbuat xidmətinin rəhbəri Elnur Həmidova müraciət etdik. Onun “Football-plus.az”a cavabı:
“Sabah” hazırda icarə əsasında “Bank Respublika Arena”nın xidmətindən istifadə edir. Gələcəkdə başqa arenanın xidmətindən istifadə etsək, bu barədə öncədən ictimaiyyətə məlumat veriləcək”.
KƏNAN BAHADIR
Digər xəbərlər
