“Formula-1” dünyası üçün yay istirahəti başa çatdı. 22 xalla şəxsi hesabda 11-ci yerdə qərarlaşan “Haas” pilotu Kevin Maqnussen də trassa dönüşü səbirsizliklə gözləyənlər sırasındadı.

- Kevin, istihatdən dönməyin münasibəti ilə təbrik edirəm. Məzuniyyət dövründə nə ilə məşğul oldun və mövsümün 2-ci hissəsinə hansı hisslər ilə başlayırsan?
- Doğma Danimarkada ailəm və dostlarım ilə yaxta gəzintisinə çıxdım, bir neçə həftəliyə səhayətə çıxmamaq imkanından yararlandım, bu müddətdə yaxşıca dincəldim və indi mövsümün ikinci hissəsinə tam hazıram. Yenilənmiş maşının potensialını reallaşdırmağa və xal qazanmağa çalışacağıq.

- Mövsümün 14-cü mərhələsi onilliklər ərzində unudulmaz anların yaşandığı əfsanəvo Spa trassında keçiriləcək. Bu trassda nəyi bəyənirsən və Spa səndə hansı xatirələri oyadır?
- Spa möhtəşəm, əfsanəvi trassdı. Çox sürətli trassdı, təkcə tarixi yox, burda yarışmaq da adamı heyran edir. Spa mərhələsini həmişə böyük həvəslə gözləyirlər. Əslində bu, uşaqkən atamla birgə baş çəkdiyim ilk “Formula-1” trassıdı. “Formula-1” ilə bağlı xatirələrimin təməli məhz həmin həftəsonu qoyulub.

- Bu il çıxış zonaları dəyişib, bəzi döngələrdə çınqıl tələləri yaradılıb. Bu dəyişiklikləri dəstəkləyirsənmi?
- Yaxşı ki asfalt təhlükəsizlik zonaları əvəzinə çınqıl zonaları yaradılıb. Bir tərəfdən, belədə daha təhlükəsizdi, amma digər tərəfdən, trassdan çıxacağın halda uzağa uçmaq riski artır. Fikrimcə, doğru qərardı.

- Bu həftəsonu maşınların silkələnməsini ölçən yeni texniki direktiv qüvvəyə minəcək. VF-22 özünü necə aparır, bu problemə öyrəşmisənmi?
- Bizdə silkələnmə ilə bağlı problem yoxdu. Mövsümün əvvəlində müəyyən çətinliklər yarandı, ancaq problemi həll etmək üçün maşının konstruksiyasında operativ şəkildə dəyişikliklər etdik. Ardından tədricən əvvəlki effektivliyə döndük. Düşünürəm ki, komandalar istəsə, bu problemi asanlıqla həll edəcək, ancaq hamı anlayır ki, buna görə sürəti aşağı salmalı olacaq. Ancaq biz və başqaları belə etdik, etməyənlər də indi buna məcburdu.