Frenki de Yonq tezliklə “Barselona”nı tərk edəcək.

"Football-plus.az" xəbər verir ki, niderlandlı yarımmüdafiəçisi karyerasını Səudiyyə Ərəbistanında davam etdirməyə yaxındı. “El Nacional”ın məlumatına görə, “Əl-İttihad” 27 yaşlı futbolçu ilə danışıq aparır. Klub De Yonqa görə “Barselona”ya 50 milyon avro təklif edib. Yaxın vaxtlarda niderlandlı oyunçunun transferi ilə bağlı qərarın veriləcəyi gözlənilir.

“Transfermarkt” portalı De Yonqun transfer dəyərini 45 milyon avro qiymətləndirir. Frenki bu mövsüm “Barselona”nın heyətində bütün turnirlərdə 16 oyun keçirib, 1 qol vurub və 1 məhsuldar ötürmə edib.