“Barselona”nın yarımmüdafiəçisi Frenki de Yonqun aqibəti müəyyənləşib.

Rəhbərlik niderlandlı futbolçunun gələcəyi ilə bağlı qərar verib. 27 yaşlı futbolçu karyerasını İspaniya klubunda davam etdirəcək. Komandanın baş məşqçisi Hans-Diter Flik yeni mövsümdə yarımmüdafiəçiyə ümid edir. Maraq üçün qeyd edək ki, De Yonq İspaniya La Liqasında ən çox maaş alan oyunçudu. O, vergilər çıxılmadan ilə 40 milyon avro qazanır.

Frenki ötən mövsüm bütün turnirlərdə 30 matça çıxıb və 2 qol vurub. Onun klubla hazırkı müqaviləsinin müddəti 2026-cı ilin yayına qədər nəzərdə tutulub