Vinisius Junior “Real”ı tərk edə bilər.

İspaniya mənbələrinin yaydığı məlumata görə, o, karyerasını Səudiyyə Ərəbistanında davam etdirmək istəyir. Braziliyalının ətrafı və futbolçunun özü son aylarda onlara təklif olunan məbləğlərlə maraqlanırlar. O da vurğulanır ki, “Real” 24 yaşlı hücumçunu satmağa razılaşsa, futbol tarixində ən böyük transfer məbləğini qazanacaq. Futbolçunun müqaviləsində satış qiyməti kimi 1 milyard avro göstərilib.

Yeri gəlmişkən, bir müddət əvvəl Səudiyyə Ərəbistanının “Əl-Əhli” klubunun Vinisius ilə ciddi maraqlanması barədə xəbərlər yayılmışdı. Qeyd edək ki, futbolçu bu mövsüm bütün turnirlərdə 18 oyun keçirib, 12 qol vurub və 8 məhsuldar ötürmə edib. Juniorun “Real”la müqaviləsinin müddəti 2027-ci ilin yayına qədər nəzərdə tutulub. “Transfermarkt” portalı onun bazar dəyərini 200 milyon avro qiymətləndirir.