"AFFA-nın son qərarlarından xəbərdarıq və dəstəkləyirik. Komandamız 2017-ci ildən sabit şəkildə Region Liqasında çıxış edir. Bütün çətinliklərə rəğmən, turnirdə sona qədər çıxış etmişik, indi də edirik. 1-ci divizionda oynamaq üçün hələ ötən ildən sənədlərimizi PFL-ə təqdim etmişdik. Sadəcə, müəyyən səbəblərdən iştirakımıza icazə verilmədi. Qarşıdan gələn mövsüm üçün də müraciət edəcəyik. Birinci divizionda çıxış etməyə özümüzü layiq bilirik. İnanıram ki, AFFA və PFL ilə ortaq məxrəcə gələcəyik. Bu vaxta qədər Region Liqasını yarımçıq tərk etməmişik. Region Liqasında 3 il çıxışetmə şərtinin götürülməsi də düzgün qərardı. Amma düşünürəm ki, diviziona sabit çıxış edən, nizam-intizamı pozmayan və infrastruktu olan komandalar buraxılmalıdı. Özümüzdən başqa, "Xəzər Lənkəran 42" ilə "Karvan"nın da divizionda çıxış etməsini istərdim. Fikrimcə, onlar diviziona rəng qatacaq komandalardı. Ümumilikdə isə bölgə təmsilçilərinin çox olmasını istərdim".