"AFFA İcraiyyə Komitəsinin divizion komandaları ilə əvəzediciləri ayırması haqda qərarını alqışlayıram. Çünki eyni çempionatda oynamaq bəzi problemlər yaradır, disbalans pozulur. Məsələn, müstəqil klublarda gənc oyunçu limiti olduğu halda, əvəzedicilərdə bu şərt yoxdu və onlar əsas komandada cəzalı durumda olan hansısa təcrübəli futbolçunu və ya legionerləri oynatmaqla bizi üstələyirdi. Fikrimcə, növbəti mövsüm divizionda müstəqil klubların sayının artması rəqabəti də artıracaq. Divizionda rayon klublarının sayının çox olmasını istərdim. Çünki bölgələrdə camaatın futbola marağı çoxdu, azarkeş dəstəyi çox fərqlidi. Lənkəranın, Masallının, Qusarın, Qaxın, Qazaxın, Şəmkirin təmsilçilərinin divizionda yer almasını istərdim. Adı çəkilən bölgələrinin hər birinin vaxtilə elitada təmsilçisi olub. Ümumiyyətlə, bölgələrimizdə nə qədər çox klub olacaqsa, ölkə futbolu bir o qədər dirçələcək".