“Qarabağ”ın səhmləri hissə-hisə satılacaq
“Qarabağ”ın təsisçisi Adil Nadirovun oğlu Sənan Nadirov atasından miras qalan səhmləri satışa çıxardığını xəbər vermişdik.
Məsələ ilə bağlı “Football-plus.az” saytına açıqlama verən Sənan bəy ata mirasını 300 min manata satdığını söyləmiş, onu da əlavə etmişdi ki, artıq maraqlananlar da var. Yeri gəlmişkən, “Qarabağ” da məsələyə biğanə qalmamışdı. Klubun mətbuat xidmətinin rəhbəri Gündüz Abbaszadə saytımıza açıqlamasında Sənan bəyin səhmləri baha satdığını söyləmişdi.
Dünən yenidən readaksiyamızla əlaqə saxlayan oğul Nadirov səhm satışı ilə bağlı fikrini dəyişdiyini bildirdi:
“4851,88 pay səhmə sahibəm. Belə qərara gəldim ki, səhmləri hissə-hissə, birini 100 manatdan satım. Bu Azərbaycanda bir ilkdi. Avropa təcrübəsindən yararlanmağı lazım bildim. Açığı, səhmlərin bir hissəsini özümdə saxlayacam. Onu da qeyd edim ki, səhm əldə etmək istəyən şəxs minimum 5-ni almalıdı. Artıq bu gündən səhmləri satışa çıxarmışam. Maraqlananlar müraciət edə bilər. Fikrimcə, istər Azərbaycanda, istərsə də ölkə xaricində bu şərtlərlə “Qarabağ”ın səhmlərini əldə etmək istəyənlər olacaq”.
RƏŞAD
Digər xəbərlər
