Ukrayna ərazisinə fevralın 24-də başlayan hərbi təcavüzə görə Rusiyanın bütün dünyada qınaq obyektinə çevrildiyi, bunun fonunda qonşu ölkənin idmançılarının da əziyyət çəkdiyi məlumdu.

Qəzetimizin ötən saylarından birində Milli Hokkey Liqasının (MHL) rəhbərliyinin Stenli kubokunun Rusiyaya aparılmasına qadağa qoyduğunu yazmışdıq. Liqanın komissarının müavini Bill Deyli “Kolorado”nun qələbəsindən sonra bir daha bu mövqeni təkrarlayıb. Rusiya Hokkey Federasiyasının (RHF) prezidenti Vladislav Tretyak isə qadağaya belə münasibət bildirib:

Xatırladaq ki, iyunun 26-dan 27-nə keçən gecə “Tampa-Bey”i seriyanın 6-cı oyununda məğlub edən “Kolorado” Stenli kubokunu qazanıb. Qalib komandanın heyətində olan Valeri Niçuşkin bu kuboku qazanan 36-cı rusiyalıdı. Hücumçu pley-offda keçirdiyi 20 oyunda 15 (9+6) xal toplayıb.

Niçuşkinin Aleksandr Oveçkinin şöhrətinə çatmasına çox var. Amerikalı həmkarımız Kit Olbermann “Vaşinqton”un kapitanı ilə bağlı maraqlı təklif irəli sürüb. O, basketbolçu Brittni Qraynerin saxlanılmasının əvəzində Aleksandr Oveçkinin həbs olunmasını təklif edir. 31 yaşlı Qrayner martın əvvəlində “Şeremetyevo” hava limanında narkotik qaçaqmalçılığı şübhəsi ilə həbs olunub. Amerikalının çantasına baxış zamanı veyplər və tərkibində həşiş yağı olan maye tapılıb. ABŞ-dan olan bir çox idmançı Qraynerin azad olunması ilə bağlı çağırış edib. Olberman isə “tvitter” hesabında belə yazıb:



Qrayner ABŞ yığmasının heyətində iki dəfə olimpiya, iki dəfə də dünya çempionu olub. İyunun 27-də onun saxlanılma müddəti dekabrın 20-nə qədər uzadılıb. İttiham sübuta yetirilərsə, xanım basketbolçunu 5 ildən 10 ilə qədər həbs gözləyir. Qrayner həbs olunana qədər Yekaterinburq komandası UQMK-nin şərəfini qoruyub.