“Kolorado” Stenli kubokunun final seriyasının 4-cü oyununda “Tampa-Bey”i 3:2 hesabıyla məğlub etdu. “Evelenş”ın heyətində Natan Makkinnon ilə Endryu Kolyano fərqləndi, qələbə qolunu isə overtaymın 13-cü dəqiqəsində Nazem Kadri vurdu. Seriyanın 4-cü oyunu iyunun 24-dən 25-nə keçən gecə, Bakı vaxtı ilə saat 4-də başlayacaq. “Kolorado”nun növbəti qələbəsi seriyanın bitməsi, “Tampa-Bey”in ardıcıl 3-cü dəfə Stenli kubokunu qazanmaq arzusunun suya düşməsi deməkdi. Xatırladaq ki, son iki mövsümün qalibi məhz bu komanda olub.

“Tampa”nın baş məşqçisi Con Kuper oyunsonrası mətbuat konfransında overtaymda vurulan qolun sayılmasının ədalətsizliyinə işarə ilə belə dedi:

Kuper ona eyham vurur ki, overtaymda qol zamamı “Kolorado” heyət bərabərliyi prinsipini pozub. İş ondadı ki, qol vurulan anda buz üzərində “Evelanş”ın 6 sahə oyunçusu olsa da, bu məqam hakimlərin gözündən yayınıb. Milli Hokkey Liqası da artıq Kadrinin qolu zamanı yaranan vəziyyətlə bağlı bəyanat yayıb:



“Kolorado”nun son qələbəsi ilə bağlı daha bir maraqlı statistik məqam var. Belə ki, oyunun gedişində iki dəfə geriliyi aradan qaldıran komanda MHL-in cari pley-offunda 9-cu əzmkar qələbəsini qazanıb. İndi “Evelanş” pley-off tarixində geridönüşlərin sayına görə 2-ci yerdədi. “Uçqunlar” “Dallas” (1999, 2020), “Karolina” (2006), “Monreal” (1971) və “Aylenders” (1980) ilə bərabərləşdi. Bu mənada rekordçu 2009-da 10 əzmkar qələbə qazanan “Pittsburq”du.

Bu arada Pol Moris “Florida”nın baş məşqçisi təyin olunub. 55 yaşlı kanadalı üçillik müqavilə bağlayıb. “Panterz”in rəhbərliyi mövsümün gedişində komandaya rəhbərlik etməyə başlayan Endryu Bryunetti saxlamağı lazım bilməyib. “Florida” son mövsümdə 122 xal toplamaqla müntəzəm çempionatın qalibi olub və Prezident kubokunu qazanıb. Amma komanda Stenli kuboku uğrunda mübarizədə 2-ci pley-off mərhələsində “Tampa”ya uduzub (0:4). Moris isə 2014-dən bəri çalışdırdığı “Vinnipeq”i 2021-in dekabrında tərk edib və o vaxtdan işsiz idi.