Məlum olduğu kimi, Konfrans Liqasının üçüncü təsnifat mərhələsində “Qarabağ” Kiyev “Dinamo”su ilə qarşılaşacaq.

"Football-plus.az" xəbər verir ki, qarşılaşmadan öncə azarkeşlər üçün “Azersun Holdinq”in təşkilatçılığı ilə Tofiq Bəhramov stadionunun önündə xüsusi fan-zona yaradılacaq. Əyləncəli proqram 18:00-dan etibarən başlayacaq. Fan-zona çərçivəsində müxtəlif oyunlar, DJ performansı və digər əyləncələr azarkeşlərin ixtiyarında olacaq. Eyni zamanda holdinqə aid “Azərçay”, “Joyzz”, “Zeytun Bağları”, “Bizim Süfrə”, “Azərsüd”, “Shokki Mokki”, “Bizim Tarla” markaları gələn qonaqlara öz məhsullarını ikram edəcəklər.

Qeyd edək ki, “Qarabağ” 2001-ci ildə “Azərsun Holdinq” tərəfindən himayəyə götürülüb və geridə qalan illər ərzində mühüm uğurlar qazanaraq Azərbaycan idman tarixində adını qızıl hərflərlə yazdırıb.