“Peşəkar Futbol Liqası və "CBC Sport" telekanalının nümayəndələri tərəfindən Gəncə şəhər stadiona baxış keçirilib. Stadionda hərtərəfli təftiş zamanı test oyunu da baş tutub. Peşəkar Futbol Liqası tərəfindən təqdim olunan bütün tələblər "Kəpəz” klubu tərəfindən icra olunub və test oyunu yaxşı səviyyədə baş tutub. Birbaşa və yardımçı otaqlardan tutmuş, ot örtüyü və işıqlandırma sistemində olan bütün nüanslara qədər baxılıb.

Stadionun ümumi vəziyyəti Peşəkar Futbol Liqası tərəfindən yaxşı qiymətləndirilib. Təftiş zamanı üzə çıxan məqamlarla bağlı yerində stadion rəhbərliyinə ətraflı məlumat verilib. Bununla bağlı qarşıdakı həftənin ilk iş günündə stadion rəhbərliyinə yazılı bildiriş də göndəriləcək. Ümumilikdə götürsək, stadion PFL bayrağı altında keçirilən bütün liqalar üzrə oyunları qəbul etməyə hazırdı”.