Beləliklə, “Sabah”ın Çempionlar Liqasında liqa mərhələsinə düşməsinə mane ola biləcək komanda bəllidi. İsrail çempionu “Hapoel” (Beer Şeva) “Srvena Zvezda”nı Belqradda da məğlub etməklə “bayquşlar”la qarşılaşmaq imkanı qazandı.

“Football-plus.az” xəbər verir ki, pley-offun ilk oyunları avqustun 18-19-da, cavab görüşləri 25-26-da keçiriləcək. “Sabah” ilk oyunu avqustun 19-u, saat 23.00-da səfərdə, daha doğrusu, neytral meydanda keçirməlidi.

Xatırladaq ki, İsrail çempionu “Sabah”dan fərqli mübarizəyə ÇL-nin 1-ci yox, 2-ci təsnifat mərhələsindən başlayıb. “Hapoel” həm “Vikinqur”, həm də “Srvena Zvezda” ilə ev oyununu Macarıstanın Sombathey şəhərindəki “Haladaş” İdman Kompleksində keçirib. Amma "Sabah"la oyun Buxarestdə - "Rapid"in stadionunda keçiriləcək. Cavab oyunu isə avqustun 25-i, saat 20.45-də Tofiq Bəhramov adına Respublika stadionunda start götürəcək.