“Qarşımıza qoyulan məqsəd bu mərhələni keçməkdi” - AÇIQLAMA
"Oyun bizim üçün yaxşı başlamadı. Əvvəlcə kapitanımız Mövsüm Tapdıqovun ayağı əzildi, sonra da yeni transferimiz Ülvi Cəfərovun qolu çıxdı. Bu iki nəfərin erkən sıradan çıxması oyun planımızı pozdu”.
Bu sözləri “Football-plus.az”a açıqlamasında “Qala-Şəmkir”in baş məşqçisi Elşad Mirzəyev dedi. Çalışdırıcı Region Liqasının pley-offunun ilk matçında “Çinar Zəngilan”a məğlub olmaqlarını belə şərh etdi:
“Rəqib də bundan istifadə edərək minimalhesablı qələbə qazandı. Buna baxmayaraq, hələ heç nə bitməyib. Aprelin 12-dən məşqlərə başlayırıq. Qarşımıza qoyulan məqsəd bu mərhələni keçməkdi. Ona görə səfərdə bütün gücümüzü ortaya qoyacağıq".
Digər xəbərlər
