"Futbolçularımızın çoxu başqa sahələrdə də çalışır"
"İlk pley-off oyunumuzu keçirdik. Bəzi problemlərimiz vardı. Belə ki, qrup oyunlarından sonra fasilə yarandı. Bu da futbolçulara mənfi təsir göstərdi. Çünki onların çoxu başqa sahələrdə də çalışır. Amma qrup mərhələsində hər həftə oyunlarımız olurdu deyə, tez-tez bir araya gəlib məşq edirdik. Üstəlik ilk oyunumuz səfərdəydi deyə, müəyyən məsafə qət etdik. Sadaladıqlarım üzündən yaxşı çıxış edə bilmədik”.
Bu sözləri “Football-plus.az”a açıqlamasında “Qusar”ın baş məşqçisi Tural Cəlilov dedi. Çalışdırıcı “Araz”ı (Saatlı) səfərdə 2:0 hesabı ilə məğlub etdikləri görüş haqda danışdı:
“Rəqib isə 90 dəqiqə boyunca istəkli, mübariz idi. Lakin yetirmələrim oyunun gedişində toparlanaraq qol vəziyyətləri baxımından rəqibi üstələdi. Fürsətlərdən ikisini qola çevirdik. Səfərdən qələbə ilə qayıtdığımıza görə sevinirəm. Amma hələ heç nə bitməyib. Cavab oyununa ciddi hazırlaşıb növbətə mərhələyə çıxmalıyıq".
Digər xəbərlər
