"İlk oyunumuzu doğma meydanda keçirsək də, məğlub olduq. Yenilməyimizin bir neçə səbəbi var. Əvvəla, fiziki gücümüz çatmadı, tükəndik. İkincisi, rayonumuzun uşaqlarının təcrübəsi, demək olar ki, yoxdu. Üçüncüsü, rəqibin heyətində yetərincə təcrübəli oyunçular var idi”.

Bu sözləri “Football-plus.az”a açıqlamasında “Araz”ın (Saatlı) baş məşqçisi Anar Cəbrayılov dedi. Çalışdırıcı Region Liqasının pley-offunun ilk matçında “Qusar”a 0:2 hesabı ilə məğlub olmaqlarını belə şərh etdi:

“Bunlara rəğmən, meydana qələbə üçün çıxmışdıq. Amma alınmadı. İrəli baxmalıyıq. Qusar səfəri çətin olacaq. İnşallah, döyüşüb, adımıza layiq çıxış edərək nəticə qazanacağıq".