Əfsanəvi Pele dünyasını dəyişəndən sonra belə xəbər yayıldı ki, FİFA bu quruma üzv olan 211 milli federasiya qarşısında məsələ qaldırıb.

Yəni FİFA-ya üzv olan federasiyalar futbol kralının xatirəsini hansısa şəkildə əbədiləşdirməlidi. Həmin günlərdə belə versiya da ortaya atılmışdı ki, 211 ölkənin hər birində braziliyalının adını daşıyacaq stadion olmalıdı. Amma bu versiya, daha doğrusu, absurd iddia təsdiqini tapmadı. FİFA Pelenin adını əbədiləşdirməyi tələb etmir, tövsiyə edir. Onun adının stadiona verilməsi də tövsiyələrdən biridi. Bizə çatan bilgiyə görə, FİFA hər ölkənin bu yöndə müstəqil qərar vermək haqqını tanıyıb. Məsələn, Rusiya Futbol İttifaqı yaxın günlərdə futbol veteranları ilə məsləhətləşmə aparacaq və qərarını verəcək. AFFA üçün də heç bir məcburiyyət yoxdu. Bizim futbolun başbilənləri təsislərindən hansınasa braziliyalının adını verə və ya hər hansı başqa ideya ortaya qoya bilər. Bunun üçün bir araya gəlmək və məsləhətləşmək lazımdı.

ORXAN