“Peleni tezliklə arxada qoyacağıma ümid edirəm. Oyundaşlarımla bu mövzuda danışacaq və onlardan, nəhayət, hədəfimə çatmaqda kömək istəyəcəyəm”.

“Bu, debütümdən bəri ən yaxşı Braziliya yığmasıdı. İndi milli komandamız daha güclüdü. Biz qələbələrə çox yaxşı hazırlaşmışıq. Çox güclü hücum xəttimiz var. Komandanın hər oyunçusu öz vəzifəsinin öhdəsindən əla gəlir. Bizi bir məqsəd birləşdirir və bu ən əsas məsələdi. Son vaxtlar yeni impuls hiss edirik, komanda sanki yenidən doğulur. Bu əladı! İndiki Braziliya millisi təcrübə ilə gəncliyin vəhdətindən formalaşıb. Bir-birimiz üçün səy göstərməyə hazırıq. Komanda şəklində oynayırıq və bu, bizə DÇ-2022-də irəliyə getmək şansı verəcək”.

“Tunisli oyunçular meydana azarkeşlərinin çılğın dəstəyi altında çıxmışdılar. Amma biz buna hazır idik. Öz futbolumuzu oynadıq və oyuna nəzarət etdik. İlk foluma görə sarı vərəqə aldım. Bunu qəbul etmək çətindi. Mənə qarşı bir oyunda dörd, beş, altı dəfə kobudluq edilir. Nədənsə hakimlər mənə həmişə fərqli münasibət bəsləyirlər. İkinci hissədə əks-hücuma başlayanda ayaqlarıma vurdular. Rəqib futbolçu mənə kobudluq etdi və sarı vərəqə belə almadı. Mən isə təsadüfən müdafiəçiyə qarşı kobud oynadım, bunu qəsdən etmədim. Hətta dayanıb ondan üzr istədim. Amma mənə “sarı” göstərildi. Belə halları idarə etmək mümkün deyil. Mən onu qəsdən vurmamışam. Meydanda bəzən daha sağlam düşüncənin şahidi olmaq istəyirsən...”