İranlılara viza verildi
Nəhayət, uzun çək-çevirdən sonra İran yığmasının viza probemi yoluna qoyulub. Milli komandanın futbolçuları DÇ-2026-da iştirak üçün lazım olan vizaları əldə ediblər.
Bu barədə İranın Türkiyədəki səfiri Həsən Həbibullazadə ölkəsinin dövlət teleradio şirkətinə açıqlamasında məlumat verib:
“İran yığmasının oyunçularına vizalar 48 saat ərzində, futbolçuların şəxsən iştirakına ehtiyac qalmadan və Meksika səfirliyində barmaq izi vermə prosedurundan keçmədən verilib”.
Xatırladaq ki, FİFA bir neçə gün əvvəl İran yığmasının dünya çempionatı üçün təlim-məşq bazasının ABŞ-dən Meksikaya köçürülməsini təsdiqləyib. Yeri gəlmişkən, cənub qonşumuz mundialda Belçika, Misir və Yeni Zelandiya ilə birlikdə G qrupunda mübarizə aparacaq. Komanda qrup mərhələsindəki hər üç oyunu ABŞ-də keçirəcək.
Digər xəbərlər
