Dünya çempionatında Türkiyə ilə eyni qrupda yer alan Paraqvay yığması əsas futbolçularından birini itirib. Cənubi Amerika təmsilçisi son yoxlama oyununda Nikaraquanı 4:0 darmadağın edib.

Paraqvayın aparıcı üzvlərindən olan Xulio Ensiso bu qarşılaşmada artıq ilk yarıda zədələnərək əvəzlənib. 22 yaşlı futbolçu 22-ci dəqiqədə adi epizodda topu qəbul edərkən ayağı burxularaq yerə yıxıldı. Ensiso göz yaşlarını saxlaya bilməyib və meydanı xərəkdə tərk etməli olub.

Son məlumatlara görə bu futbolçu təxminən 2-3 həftəliyə sıradan çıxıb. Paraqvay DÇ-2026-nın qrup mərhələsində əvvəlcə ABŞ, sonra Türkiyə, axırda da Avstraliya ilə qarşılaşacaq. Böyük ehtimalla Ensiso ABŞ və Türkiyəyə qarşı oyunları buraxmalı olacaq. Onun ən yaxşı halda Avstraliya ilə qarşılaşmada meydana çıxacağı proqnozlaşdırılır.

Daha öncə ''Brayton'' və ''İpsviç''də də forma geymiş Ensiso son mövsümü ''Strasbur''da keçirib və 42 rəsmi oyunda 12 qol vurub. Cənubi Amerika zonası üzrə DÇ-2026-nın seçmə mərhələsində Paraqvayın 14 qolundan 3-nü məhz bu sol vinger aktivinə yazmışdı.