“Zirə” də Konfrans Liqasından imtina edərsə...” - Yaşar Seyidov vacib məsələyə aydınlıq gətirdi
"Klubların lisenziyalaşması üzrə qaydalar var. Belə ki, onlar ya həm Avropa klub turnirləri, həm də premyer-liqa üçün lisenziya alır, ya da yalnız ölkə çempionatında çıxış üçün lisenziyalaşır. Avrokuboklar üçün lisenziyanın alınmasında 5 əsas meyar var: idman, infrastruktur, inzibati-kadr, hüquq və maliyyə üzrə göstəricilər nəzərdən keçirilir" - bu sözləri "Futbol+"ə açıqlamasında "Dinamo"nun prezidenti Yaşar Seyidov dedi.
AFFA İcraiyyə Komitəsinin sabiq üzvü "Turan Tovuz"un yerinə Konfrans Liqasına yollana biləcək komandanın seçim prosedurundan da danışdı:
"Turan Tovuz"un İdman Arbitraj Məhkəməsinə (CAS) müraciəti təmin olunmasa, onun yerinə "Zirə" Konfrans Liqasına yollanacaq. "Zirə" bu təklifdən imtina edərsə, artıq ondan sonra avrokuboklar üçün lisenziyası olan və turnir cədvəlində daha yuxarı pillədə qərarlaşan komanda Konfrans Liqasında oynayacaq".
Xatırladaq ki, UEFA AFFA İntizam Komitəsinin 13 dekabr 2019-cu il tarixli qərarını əsas götürərək "Turan Tovuz"u 2026/27 mövsümündə öz bayrağı altında keçirilən yarışlardan kənarlaşdırıb.
MURAD ABDULLAZADƏ
Digər xəbərlər
