Baş məşqçi postuna Vinçentso İtalyanonu gətirən ''Beşiktaş''ın yeni mövsümə hazırlığa start verəcəyi tarix bəlli olub.

Klubdan verilən açıqlamada futbolçuların şənbə günü - iyunun 27-də bazada toplaşacağı və tibbi müayinədən keçəcəkləri qeyd olunub. Bazar günü, yəni iyunun 28-də isə komanda yeni mövsümün ilk məşqini keçirəcək.

Bundan başqa İstanbul nəhənginin toplanış keçəcəyi ilk ölkə bəlli olub. ''Qartal'' iyulun 1-də Slovakiyaya yollanacaq və burda ən azı 10 gün qalacaq. Bu müddətdə iki yoxlama matçı nəzərdə tutulub. Rəqiblərin adları daha sonra açıqlanacaq.

Dünya çempionatında iştirak edən futbolçular təbii ki, hazırlıq dönəminin ilk bölümünü, eləcə də Slovakiya toplanışını buraxmalı olacaqlar.