“Heç kim düşünməsin ki, Ta Qalidə komandamızı asan oyun gözləyir” – Maltada legioner həyatı yaşamış Elməddin
Bu gün milli növbəti yoldaşlıq oyunu keçirəcək.
Canni de Byazinin baş məşqçi olduğu komanda səfərdə Malta ilə üz-üzə gələcək. Yeri gəlmişkən onu da xatırladaq ki,bu qarşılaşma 2022-ci ildə ölkənin əsas komandasının ilk matçı olacaq. Ta Qali şəhərində keçiriləcək görüş tərəflər arasında 9-cu duel kimi tarixin yaddaşına düşəcək. Əvvəlki 8 qarşılamanın 3-də rəqib, 2-də yığma qələbəyə sevinib. 3 oyun isə heç-heçə başa çatıb. Topların nisbətində də rəqibin üstünlüyü var - 13:9.
Çox vaxt futbol ictimaiyyətində Malta “cırtdan” yığma kimi təqdim olunur. Ancaq bu gün Avropada futbolun inkişaf tempini nəzərə alanda artıq “köhnə qitə”də böyük-kiçiyin qalmadığını görmək mümkündü. Bəs görəsən, bu günkü Malta hansı səviyyədədi? Bu suala cavab tapmaq üçün 2019-cu ildə bu ada dövlətdə legioner həyatı yaşamış Elməddin Məmmədovun fikirlərini öyrəndik. “Sent-Endryus”un qapısını qorumuş qolkiper “Football-plus.az” saytına açıqlamasında bunları söylədi:
“Rəqibin heyətində mənimlə eyni komanda da oynamış iki futbolçu yer alıb. Onlar qapıçı Mettyu Kallexa Kremona və İtaliya C seriyasında mübarizə aparan “Perqoletteze”nin şərəfini qoruyan hücumçu Aleksander Satarianodu.Malta futbolu inkişafdadı. Heyətində sürətli oyunçular var. Portuqaliya çempionatında çıxış edən təcrübəli legionerləri var ki, onların fərdi ustalıq səviyyəsi yüksəkdi. Bizdən nə güclü, nə də zəifdilər. Fikrimcə, iki eyni səviyyəli yığmaların oyununu izləyəcəyik.Rəqibin heyətində ən təhlükəli oyunçu Luk Montebellodu. “Birkirkara”nın forvardı xüsusilə hava toplarında çox inamlıdı. Güclü zərbələrə malikdi, fiziki cəhətdən çox güclüdü. “Sent-Endryus”un qapısını qoruyanda məni də məyus edib. Yığmanın məşqçilər korpusu yəqin ki, rəqibin oyunlarını izləyib, Malta barəsində ətraflı məlumat toplayıblar. Yığmamıza bu oyunda uğurlar arzulayıram. Heç kim düşünməsin ki, Ta Qalidə komandamızı asan oyun gözləyir”.
RƏŞAD
Digər xəbərlər
