Maltada təlim-məşq toplanışında olan 17 yaşadək futbolçulardan ibarət Azərbaycan millisi hazırlıq çərçivəsində yoldaşlıq oyunu keçirib.

Bu ölkənin müvafiq yaş qrupundan ibarət komandası ilə görüş 2:2 hesabı ilə başa çatıb. Fasiləyə məğlub yollanan millimiz 51-ci dəqiqədə Əşrəf Ələkbərli və 60-cı dəqiqədə Dinamin Bağırovla hesabda irəli çıxıb. Rəqib komanda 62-ci dəqiqədə penaltidən yararlana bilməyib. Millimizin qapıçısı Sadiq Məmmədzadə penaltini dəf edib.

Bu komandalar arasında növbəti oyun martın 28-də keçiriləcək.