“Mənim hədəfim qələbələr qazanmaqdı. Bizim oyun tərzimiz, fəlsəfəmiz və mədəniyyətimiz yaxşı futbol sərgiləmək üzərində qurulub. “Çelsi” kimi nəhəng klubda qalib gəlmədinsə, deməli, problem yaşayacaqsan. Biz qalib ruhunu bərpa etməli, rəqabətədavamlı olduğumuzu göstərməli və bu enerjini fanatlarımıza ötürməliyik. Qarşımda duran hədəflər, eləcə də onların arasında hansının ən çətin olması barədə düşünməməyə çalışıram. İndi ilk növbədə balanslaşdırılmış bir heyət yaratmağa çalışmalıyıq. Bunun üçün isə çox geniş olan heyətimizdəki bəzi oyunçularla vidalaşmalı, yola davam edəcək oyunçuları müəyyənləşdirməli və ən əsası məşqlərdə üzərimizdə səylə çalışmalıyıq. Məşqlərin intensivliyi və tempi çox önəmlidi. Futbol çox səbirsiz bir dünyadı. Məşqçinin “Çelsi” kimi bir klubda ona bir qədər vaxt verilməsini tələb etməyə haqqı yoxdu. Bura gələn məşqçi ilk gündən nəticə verməyə məcburdu! Ona görə də futbolçuların boşuna vaxt itirməsini istəmirəm. Biz ilk rəsmi oyundan etibarən maskimum gücümüzü ortaya qoymalıyıq. Əminəm ki, nəticə verməyi bacaran bir komandamız olacaq”.