“Çelsi”nin hücumçusu Pyer-Emerik Obameyanq “Barselona”ya qayıda bilər.

“Football-plus.az” xəbər verir ki, 33 yaşlı qabonlu London klubunda etimad qazanmadığına görə İspaniya komandasına dönüşə ümid edir. Baxmayaraq ki, “Barselona”nın üzləşdiyi maliyyə çətinlikləri fonunda bu transfer bir qədər çətin görünür.

Obameyanq ötən ilin yanvar-sentyabr aralığında “Barselona”da çıxış edəndən sonra “Çelsi”yə keçib. Forvard 2022/23 mövsümündə London klubunun heyətində keçirdiyi 18 oyunda 3 qol vurub və 1 məhsuldar ötürmə verib.

“Transfermarkt.com” saytının 7 milyon avro dəyər qoyduğu qabonlunun “Çelsi” ilə müqaviləsinin müddəti 2024-cü ilin iyununa qədərdi.