“Növbəti mövsüm divizonda çıxış etmək istəyirik. Bununla bağlı AFFA-ya müraciət etmişik. Düzdü, hələ ki cavab verilməyib. Ancaq Füzulinin futbol ənənəsinin olduğunu nəzərə alsaq, inanıram ki, bizə “yaşıl işıq” yandırılacaq. Horadizdəki arenada işlərə start verilib. Ot örtüyünü qaydaya salmağı düşünürük. Bildiyiniz kimi, Ağcabədi Olimpiya İdman Kompleksi ilə müqavilə bağlamışıq. Öz arenamız hazır olana kimi adını qeyd etdiyim bölgənin idman qurğusundan yararlanacağıq. “İmişli” təcrübəsindən yaralanmaq fikrimiz var.

İlk dövrəni Ağcabədidə keçirib, ikinci dövrədən rəqibləri Horadizdə qəbul etməyi düşünürük. Fikrimcə, Qarabağın bir komandası aşağı dəstədə təmsil olunmalıdı. Bu Zəngilan, Cəbrayıl təmsilçisi də ola bilər. Əsas odu, divizionda regionun komandası olsun. Vurğuladığım kimi, Füzulinin futbol ənənəsi var, futbol ictimaiyyəti bizi qəbul edir. İkinci Vətən müharibəsində də qələbəyə yol Füzulidən başladı. Yəqin ki, AFFA rəhbərliyi bu məqamları da nəzərə alıb müraciətimizi müsbət cavablandıracaq”.