"Növbəti mövsüm birinci divizionda iştirak etmək istəyirik. Bununla bağlı AFFA-ya müraciət etmişik. Onların cavabını gözləyirik. Təklif Nadir Qasımovdan gəldi. Ona icazə veriləcəyi halda komandaya sponsorluq edə biləcəyimi demişəm”.

“Bakılı” köklü klublardan biridi. Bu üzdən fəaliyyətini yenidən bərpa, növbəti mövsüm birinci divizionda çıxış etməyi düşünürük. Divizionda mübarizə aparmaq üçün artıq lazımi işlər görülüb. Qarşımızda “yaşıl işıq yanacağı” halda Elman Sultanov, Əfqan Talıbov kimi mütəxəssislər klubda çalışacaq. Baş məşqçi kim olacaq? Bu sual hələ açıq qalıb. Bunun üçün klub rəhbərliyi ilə görüşüb məsləhətləşmək lazımdı. Bir neçə gün öncə PFL-in prezidenti Elxan Səmədovla telefonla danışdım. Klubun tarixi barədə məlumat verdim. Özü də məlumatlı olduğunu söylədi. Elxan müəllim iki-üç həftəyə bizə cavab verə biləcəyini dedi”.

“Komandanın çempionata buraxılması üçün vacib olan şərtlərdən biri stadiondu. İki arena ilə danışmışıq. Onlardan biri təklifimizi müsbət cavablayıb. İkincisi ilə, demək olar, 70 faiz razılaşmışıq. Bugünlərdə məsələ konkretləşəcək. İndiki halda yalnız onu deyə bilərəm ki, “Bakılı” birinci divizionda çıxış edəcəyi halda ev oyunlarını Bakıətrafı qəsəbələrin birində keçirəcək. Havası gözəzl olan qəsəbəni təmsil etmək fikrimiz var (gülür). “Bakılı”nın ənənəsi olduğundan Region Liqası həddini keçmişik. Tarixi olan klublara müəyyən güzəşt edilməlidi”.