Konfrans Liqasının pley-off mərhələsinin ilk oyunları başa çatıb.

"Football-plus.az" xəbər verir ki, "Qarabağ" ilk oyunda "Gent"i 1:0 hesabı ilə məğlub edib. Cavab görüşü isə fevralın 23-də Belçikada keçiriləcək. "Can Sport" şirkəti bu qarşılaşmada azərbaycanlı fanatların iştirakını təmin etmək üçün layihəyə start vermişdi. Şirkət həm təyyarə, həm oyun biletini, otel xərclərini, həm də viza problemini həll edirdi. Şirkətin rəhbəri Nurlan İbrahimov saytımıza və qəzetimizə açıqlamalarında 500-dən çox müraciətin olduğunu dilə gətirmişdi.

Görəsən, Belçikaya oyunu izləmək neçə nəfər gedəcək? İbrahimovu dinləyək:

"Cəmi 6-7 nəfər gedəcək. Onlar da tanıdığımız adamlardı. Bizim futbol caiməsindədi. Məncə, layihə baş tutdu. Ən azı insanlar belə bir şeyin olduğunu bildilər. Ölkə xaricindən də sayəmizdə oyuna gələnlərin sayı çox olacaq. Ümid edirəm ki, "Qarabağ" növbəti mərhələyə çıxandan sonra adamların sayı xeyli artacaq".

İLKİN SULTANLI