Baş məşqçi vəzifəsinə Vinçentso İtalyanonu gətirən ''Beşiktaş''da həllini gözləyən əsas mövqelərdən biri qapıdı.

"Football-plus.az" xəbər verir ki, qışda ''Roma''dan icarəyə gətirilən Devis Vaskes geri göndərilib. Kolumbiyalı qapıçı Türkiyə karyerasında cəmi 1 rəsmi oyuna çıxa bildi. Amma bu gedişlə İstanbul nəhəngi bu yay bir yox, iki qapıçı transfer etməli olacaq. Çünki Ərsin Destanoğlunun da ayrılması gündəmdədi.

Sərgən Yalçının dönəmində yenidən əsas qapıçıya çevrilən Ərsin geridə qoyduğumuz mövsümü ümumilikdə pis keçirməsə də, fanatların heç də hamısı ondan razı deyil. Bir çoxlarının fikrincə, ''qartal'' daha güclü qapıçıya layiqdi. ''Ağ-qaralar''ın öz yetirməsi olan 25 yaşlı Ərsinin həm müqavilə müddəti bu ayın sonunda başa çatır, həm də ona iki klubun ciddi marağı var. Söhbət La Liqanı tərk edən ''Jirona'' və Səudiyyə Ərəbistanı təmsilçisi ''Əl-İttifaq''dan gedir. Destanoğlu düşünmək üçün vaxt istəyib. Onun həftəsonuna qədər qərarını verəcəyi gözlənilir.

''Beşiktaş''ın özünün maraq göstərdiyi qapıçılar arasında PSJ-də gözdən düşən Luka Şevalye də var. ''Qartal'' onu icarəyə götürməyin yollarını araşdırır. Ama parislilərin ötən yay 40 milyona transfer etdikləri istedadlı qapıçının Türkiyədə oynamağa razılıq verəcəyi güman edilmir. Ona ''Tottenhem'' başda olmaqla ''böyük beşlik'' klubları maraq göstərir.