Dünya çempionatında milli komandaların iştiraka və nəticələrə görə nə qədər qazanacağı məlumdu. Yığmalarla yanaşı, klublar da maliyyə qazancı əldə edəcəklər.

"Football-plus.az" xəbər verir ki, FİFA ABŞ, Kanada və Meksikada keçiriləcək mundialda iştirak edən futbolçularına görə klublara ümumilikdə 265 milyon funt sterlinq kompensasiya ödəyəcək. “Klub Müavinətləri Proqramı” çərçivəsində klublar hər oyunçuya görə gündəlik 3730 funt sterlinq alacaqlar. Bu isə o deməkdi ki, DÇ-nin final mərhələsinin start götürəcəyi iyunun 11-dən etibarən “Turan Tovuz” Roderik Millerə görə hər gün üçün ən azı 5000 min dollar gəlir əldə edəcək. Qrup mərhələsində mübarizəni dayandıran futbolçular klublarına təxminən 119500 funt sterlinq, finala qədər gedənlər isə 212900 funt sterlinq qazandıracaqlar.

Bu mexanizmə görə “Mançester Yunayted”, “Arsenal” və “Çelsi”nin turnir müddətində milyonlarla funt sterlinq əldə edəcəyi gözlənilir.