Libertadores Kubokunun (LK) qrup mərhələsi sona çatdı.

"Football-plus.az" xəbər verir ki, mayın 26-28-i aralığında bu mərhələnin 6-cı turu keçirildi. Sonuncu tur ərəfəsində 1/8 finalın 9 iştirakçısı məlum idi. Başqa sözlə, həlledici turda son 7 vəsiqənin sahibi müəyyənləşdi.

6-cı tur ərəfəsində A qrupunda turnirin son çempionu “Flamenqo”, B qrupunda “Kokuimbo Unido”, C qrupunda “İndependyente Rivadaviya”, E qrupunda “Korintians”, F qrupunda “Serro Portenyo”, G qrupunda “Mirassol” və “LDU Kito”, H qrupunda isə “Rosario Sentral” və “İndependyente del Valye” pley-offa erkən vəsiqə qazanmışdılar. Həlledici turda qeydə alınan nəticələrdən sonra “Estudiantes”, “Deportes Tolima”, “Fluminense”, “Universidad Katolika”, “Kruzeyro”, “Platense” və “Palmeyras” da azarkeşlərini sevindirdilər. Əlbəttə, “Boka Xuniors”un 1/8 finala çıxa bilməməsi vurğulanmalıdı. Argentina nəhəngi sonuncu tur ərəfəsində D qrupunda 7 xalla 3-cü yeri tuturdu. Buenos ayreslilərə lider “Universidad Katolika” ilə ev oyununda yalnız qələbə lazım idi. Lakin Klaudio Ubedanın çalışdırdığı komanda öz meydanında minimal hesabla məğlub oldu. “Boka Xuniors” kimi qrupları 3-cü yerdə başa vuran komandalar - “İndependyente Medelyin”, “Nasyonal”, “Bolivar”, “Santa Fe”, “Sportinq Kristal”, “Lanus” və “Universidad Sentral” da mübarizəni Sudamerikana Kubokunda (SK) davam etdirəcəklər.

Beləliklə, komandaların qruplardakı nəticələrinə əsasən 1/8 final cütləri müəyyənləşdi. Bu mərhələnin avqustun 11-nə təyin olunan ilk oyunlarının təqvimini nəzərinizə çatdırırıq: Estudiantes - Universidad Katolika, Rosario Sentral – Korintians, Kruzeyro – Flamenqo, Deportes Tolima - İndependyente del Valye, Mirassol - LDU Kito, Palmeyras - Serro Portenyo, Platense - Kokuimbo Unido, Fluminense - İndependyente Rivadaviya.

qrup mərhələsi, 6-cı tur
A qrupu
Flamenqo (Braziliya) - Kusko (Peru) 3:0
Bruno Enrike, 80; 84. Paketa, 90+1-p.
Estudiantes (Argentina) - İndependyente Medelyin (Kolumbiya) 1:0
Amondarayn, 90+1.

1. Flamenqo 6 5 1 0 14-2 16
2. Estudiantes 6 2 3 1 6-5 9
3. İndependyente M 6 2 1 3 6-11 7
4. Kusko 6 0 1 5 4-12 1

B qrupu
Nasyonal (Uruqvay) - Kokuimbo Unido (Çili) 1:0
M.Qomes, 7.
Universitario (Peru) - Deportes Tolima (Kolumbiya) 0:0

1. Kokuimbo Unido 6 3 1 2 8-6 10
2. Deportes Tolima 6 2 2 2 7-6 8
3. Nasyonal 6 2 2 2 7-9 8
4. Universitario 6 1 3 2 5-6 6

C qrupu
Bolivar (Boliviya) - İndependyente Rivadaviya (Argentina) 1:3
Kauteruçço, 55 – Bukka, 45+7. S.Vilya, 90+2. Kreqo, 90+5.
Fluminense (Braziliya) - Deportivo La Gayra (Venesuela) 3:1
Savarino, 10-p. Herkules, 28. Kanobbio, 66 – Londonyo, 12.

1. İndependyente Rivadaviya 6 5 1 0 15-6 16
2. Fluminense 6 2 2 2 7-7 8
3. Bolivar 6 1 2 3 6-8 5
4. Deportivo La Gayra 6 0 3 3 6-13 3

D qrupu
Boka Xuniors (Argentina) - Universidad Katolika (Çili) 0:1
Montes, 34.
Kruzeyro (Braziliya) - Barselona (Ekvador) 4:0
M.Pereyra, 5; 71. Kristian, 52. Sinisterra, 55.

1. Universidad Katolika 6 4 1 1 8-4 13
2. Kruzeyro 6 3 2 1 8-3 11
3. Boka Xuniors 6 2 1 3 6-5 7
4. Barselona 6 1 0 5 2-12 3

E qrupu
Korintians (Braziliya) - Platense (Argentina) 0:2
Sapiola, 21-p.; 57.
Penyarol (Uruqvay) - Santa Fe (Kolumbiya) 0:1
Sapata, 13.

1. Korintians 6 3 2 1 8-4 11
2. Platense 6 3 1 2 8-7 10
3. Santa Fe 6 2 2 2 6-7 8
4. Penyarol 6 0 3 3 4-8 3

F qrupu
Palmeyras (Braziliya) - Atletiko Xunior (Kolumbiya) 4:1
Aryas, 6; 45. Allan, 40. A.Pereyra, 51 – Muriel, 36.
Serro Portenyo (Paraqvay) - Sportinq Kristal (Peru) 2:0
Veqetti, 51. S.Dominges, 67-p.

1. Serro Portenyo 6 4 1 1 6-2 13
2. Palmeyras 6 3 2 1 10-5 11
3. Sportinq Kristal 6 2 0 4 6-9 6
4. Atletiko Xunior 6 1 1 4 5-11 4

G qrupu
LDU Kito (Ekvador) - Olveys Redi (Boliviya) 3:2
Kinyones, 7. Deyverson, 77; 89 – Triverio, 18. Nava, 40.
Lanus (Argentina) - Mirassol (Braziliya) 1:0
Medina, 22.
1. LDU Kito 6 4 0 2 8-5 12
2. Mirassol 6 4 0 2 7-4 12
3. Lanus 6 3 0 3 3-7 9
4. Olveys Redi 6 1 0 5 7-9 3

H qrupu
Libertad (Paraqvay) - Universidad Sentral (Venesuela) 0:1
Kuesta, 62.
İndependyente del Valye (Ekvador) - Rosario Sentral (Argentina) 1:0
Sornosa, 64-p.
1. İndependyente del Valye 6 4 1 1 11-6 13
2. Rosario Sentral 6 4 1 1 9-1 13
3. Universidad Sentral 6 3 0 3 7-11 9
4. Libertad 6 0 0 6 4-13 0

Bombardirlər: Arse (İndependyente Rivadaviya) - 8, K.Qonsales (İndependyente del Valye) - 6, Bruno Enrike (Flamenqo), Fıdrişevski (İndependyente Medelyin), M.Pereyra (Kruzeyro), Melqarexo (Libertad) - 4.