Azarkeş qəzəbi: "Onlardan formanın haqqını verməyi tələb edirik"
Qış fasiləsindən sonra keçirilən ilk matçında "Səbail" səfərdə "Şamaxı"ya məğlub oldu.
Komanda ilk hissədə yaxşı təsir bağışlasa da, ikinci yari üçün bu sözləri demək olmaz. Bu səbəbdən "Səbail" premyer-liqanın 19-cu turunda "Şamaxı"ya 1:2 hesabı ilə uduzdu.
Oyun başa çatandan sonra "Dənizçilər" azarkeş qrupu komandanın futbolçularını tribunaya səslədi. Lakin yalniz Cabir Əmirli onlara yaxınlaşdı. Fanklubun rəhbəri Atif Rüstəmli ona etiraz edərək meydanda can qoymalarını tələb etdi. Bununla bağlı "Dənizçilər"in rəhbəri ilə əlaqə saxladıq. Onun "Football-plus.az" saytına açıqlaması belə oldu:
"Öncədən bildirmək istərdim ki, fanklub olaraq heç bir futbolçumuza qarşı intriqamız yoxdu. Sadəcə, oyun bitəndən sonra Cabir Əmirli bir növ azərkeşlərin məyus olduğunu görüb tribunaya yaxınlaşdı. Biz də öz növbəmizdə ümumi olaraq futbolçulara narazılığımızı çatdırmasını istədik. "Səbail"in formasını daşıyan hər bir futbolçuya hörmətlə yanaşırıq. Onlardan formanın haqqını verməyi tələb etdik".
ŞAİR ABDULLA
