PFL premyer-liqanın medalçılarını nə vaxt mükafatlandıracaq? - ÖZƏL AÇIQLAMA
Premyer-liqanın son turlarına qədəm qoyuruq.
Böyük ölçüdə çempion bəllidi. “Qarabağ” növbəti tur “Sabah”dan 1 xal alsa, qızıl medalları təmin edəcək.
Görəsən, komandanın mükafatlandırılması həmin matçdan sonra olacaq? Ümumiyyətlə, ilk “üçlük”də yer alacaq klublar nə vaxt medallarına qovuşacaq? Sualımızı PFL-in Texniki İdman Departamentinin rəisi Elgiz Abbasova ünvanladıq. Qurum rəsmisi çemionatın Əsasnaməsində bununla bağlı bənd olduğunu dilə gətirdi:“Hazırda çempionatın həlledici mərhələsinə qədəm qoymuşuq. Düzdü, çempionluq, 2-ci və 3-cü yerlə bağlı müəyyən mülahizələr var. Amma hələ ki bunlar rəsmiləşməyib. Razıyam ki, hadisələr erkən cərəyan edə bilər. Amma istənilən halda medallar son turda verilir və bununla bağlı PFL-in 2021/22 mövsümünün Əsasnaməsində bənd var. Klublar da bu haqda məlumatlıdı”.
İLKİN SULTANLI
Digər xəbərlər
