“Qarabağ” üçün çox çətin olacaq. Çünki rəqib 34 oyundu uduzmur. Buna baxmayaraq, Ağdam təmsilçisi rəqiblə müqayisədə meydana psixoloji cəhətdən daha rahat və sərbəst çıxacaq. Çünki komanda qrupdan çıxmaqla və 1/8 finala vəsiqə qazanmaqla əsas vəzifəsinin öhdəsindən gəlib. Rəqib isə əksinə, təzyiq altında olacaq və büdrəmək ehtimalı futbolçular üzərində əlavə gərginlik yaradacaq. Möhtəşəm azarkeş dəstəyi də “köhlən atlar”ın xeyrinədi. Çünki “Qarabağ”ın avrokubok matçlarında tribunalar dolur”.

“Almaniya təmsilçisi bu matçlarda kimlərlə qarşılaşıb? Buna diqqət yetirmək lazımdı. Avropa Liqasının qrupunda ən güclü rəqibi məhz “Qarabağ” idi. Almaniya çempionatına gəlincə, “Bavariya” əvvəlki qarşısıalınmaz komanda deyil. Hətta baş məşqçisi Tomas Tuxelin mövsümün sonunda postunu tərk edəcəyi dəqiqdi. Dortmund “Borussiya”sını da bu siyahıya daxil edə bilərik. Lakin yenə də “Bayer-04” Avropanın iddialı komandalarıyla qarşılaşmayıb. Odu ki, rəqibin gücünün şişirdilməsinin qəti əleyhinəyəm. Bu gün baxımlı oyuna şahidlik edəcəyik. Bəlkə bir az yüksək səslənir, amma “Qarabağ”ın doğma meydanda uduzmayacağını hiss edirəm. Əlbəttə, itkilər var. Kevin Medina, Julio Romao və Elvin Cəfərquliyev komandaya kömək edə bilməyəcək. Lakin Qurban Qurbanovun sərəncamında onların yoxluğunu hiss etdirməyəcək futbolçular var. Bir sözlə, müsbət nəticəyə ümid edirəm. “Qarabağ” sürprizə imza ata bilər”.