“Xoreoqrafiya işlərini daha çox gənc üzvlərimiz edir. Tam olaraq nə edəcəkləri bizə də sürprizdi. Düşünürəm ki, sürpriz olması daha da yaxşıdı. Alman azarkeşlər çox sadiq olurlar. “Qarabağ” Dortmund “Borussiya”sı ilə qarşılaşanda Bakıya gəlmişdilər. Oyunboyu çox gözəl və sinxron şəkildə hərəkətlər edirdilər. Bizim bu gün onların səsini batırmağımızın bir yolu var. O da siravi azarkeşlərin fanklublara birlikdə hərəkət etməsi və dəstək olmasıdı. Oyunu stadiondan izləyəcək azarkeşlərə səslənirəm ki, şüarlarımıza qoşulsunlar, 44-cü dəqiqədə Vətən müharibəsində şəhid olanların xatirəsinə “Şəhidlər ölməz, vətən bölünməz” şüarına dəstək versinlər. Rəqib elə komandadı ki, oyunboyu maksimum dərəcədə səsimizi çıxarmalıyıq. Ölkəmiz üçün tarixi andı. Dəstəyi təkcə fanklublar yox, ora gələn hər kəs versə, “Qarabağ” daha yaxşı mübarizə göstərərək qalib gələr”.