“Qarabağ” bu gün Avropa Liqasının H qrupunda 4-cü oyununa çıxıb.

“Football-plus.az” xəbər verir ki, bu dəfə də rəqib Almaniya nəhəngi “Bayer-04” olub. “CBC Sport” oyunu canlı yayınlayıb.

Avropa Liqası

qrup mərhələsi

H qrupu

Qarabağ (Azərbaycan) – Bayer-04 (Almaniya) 0:1
Viktor Bonifeys, 90+3 (p.)

Bakı. Tofiq Bəhramov adına Respublika stadionu. Saat 21.45.

Almaniyada başverənləri hamımız gördük. “Köhlən atlar” səfərdə darmadağın oldu. “Bayer-04”, ümumiyyətlə, Azərbaycan çempionuna göz açmağa imkan vermədi. Düşünmək olar ki, rəqib Bakıdakı oyuna o qədər də ciddi yanaşmayacaq. Nəzərə almaq lazımdı ki, almanlar Bakıya oyuna bir gün qalmış gecə saatlarında gələcəklər. Leverkuzen təmsilçisinin paytaxtda məşqi və mətbuat konfransı da olmayacaq. Düşünmək olar ki, Xabi Alonso əsas heyət üzvlərini “Qarabağ”la matçda yormaq istəməyəcək. Çünki “Bayer-04” noyabrın 12-də bundesliqada “Union”la vacib görüşə çıxacaq. Paytaxt təmsilçisi çempionatın sonuncu pillələrindən qurtulmaq üçün Leverkuzen klubuna ciddi müqavimət göstərəcək.

Ümid edək ki, “köhlən atlar” Almaniyadakı məğlubiyyətini qisasını ala biləcək.

Yeri gəlmişkən...

UEFA növbəti dəfə "Qarabağ"a ödəniş edib. Məbləğ Avropa Liqasının qrup mərhələsində qazanılan iki qələbəyə və turnirdə iştiraka görə verilib. Qurum tərəfindən ayrılan 1 milyon 320 min 105 avro AFFA-nın vasitəçiliyi ilə klubun hesabına köçürülüb.

İLKİN SULTANLI