"Turan Tovuz" - "Zirə" oyununu izləmək üçün Tovuza getmişkən stadiondakı yeniliklər və yenidənqurma ilə də yaxından tanış olmaq istədim.

Akademiyanın sağında tikilməkdə olan obyekt diqqətimi çəkdi. Maraqlandıqda aydın oldu ki, daha bir akademiya binası tikilir. Klubun mətbuat katibi Suleyman Tağıyevin dediyinə görə, aşağı yaş qruplarında oyunçuların sayı durmadan artır. Ona görə də daha bir akademiya binasına ehtiyac var. Həmçinin stadiondakı obyektləri sponsor "Huner group"ın nişanları, plakatları da bəzəyirdi. Əsas tribunanın yaxınlığında 44 günlük müharibə həlak olan tovuzlu şəhidlərin və general Polad Həşimovun şəkillərinin yer aldığı güşə düzəldilib. Ardınca yeni fəaliyyət göstərən "fanfood" mağazasına da baş çəkdim. Qiymətlər münasib idi. Çay 20, kofe 50 qəpiyə satılırdı, şirniyyat və sular da dükandakı qiymətlərlə eyni idi. Akademiyada təmizlik, səliqə-səhman, mətbəxdə dadlı təamlar – bir sözlə, Tovuzda hər şey qaydasındadı. Qalır bircə yaxşı oynamaq və turnir cədvəlində irəliləmək!

ABDULLA İSMAYILOĞLU