“Çünki ortada ürəkaçan heç nə yoxdu” – “Xəmsə” etirazını çatdırmaq üçün adam tapa bilmir
Mövsümlərarası fasiləni zəif keçirən komandalardan biri və bəlkə də birincisi “Kəpəz”di. Gəncəlilər indiyə qədər 6 futbolçu ilə vidalaşıb, heyətinə heç kimi cəlb etməyib. Bəs azarkeşlər bu məsələyə necə yanaşır? Bu gedişlə komanda yenə autsayder olacaq? Narahatlıqlarını klub rəhbərliyinə çatdırıblarmı?
“Football-plus.az” bu suallara cavab tapmaq üçün “Xəmsə” fanklubunun rəhbəri Müşfiq Məmmədovla əlaqə saxlayıb:
“Nə qədər pozitiv yanaşmağa çalışsam da, alınmır. Çünki ortada ürəkaçan heç nə yoxdu. Narahatlığımızı çatdırmağa çalışırıq, amma hələ ortada sözümüzü demək istədiyimiz rəhbərlikdən adamlar yoxdu. Görünən odu ki, sözümüzü oyunlar başlayandan sonra tribunadan çatdırmalı olacağıq”.
İSRAYIL XEYRULLAYEV
Digər xəbərlər
