"Sabah"ın cavab oyunu yayınlanmaya bilər! - "Nyu Seynts"dən şok həmlə
Çempionlar Liqasının 1-ci təsnifat mərhələsinin cavab oyununda "Nyu Seynts"in qonağı olacaq "Sabah" ciddi problemlə üzləşib.
Bu barədə "Football-plus.az"a Masazır təmsilçisinin mətbuat xidmətinin rəhbəri Elnur Həmidov məlumat verib Klub rəsmisi səfər oyununun yayınıyla bağlı çətinliklərin yarandığı bildirib:
"Təəssüf ki, qarşı tərəf - "Nyu Seynts"in yayın hüquqlarına malik şirkət hazırda oyunun yayınının təşkilində maraqlı görünmür. Matçın siqnalının ötürülməsi üçün bazar dəyərindən dəfələrlə yüksək məbləğ tələb olunur. Hazırda danışıqlar davam edir və hansısa müsbət yenilik olacağı təqdirdə ictimaiyyətə məlumat veriləcək".
"CBC Sport"un Xəbərlər və Sosial Media Xidmətinin direktoru Şəmsəddin Abbasovun məsələylə bağlı saytımıza açıqlaması isə belədi:
"Cavab oyunu ilə bağlı danışıqları "Sabah" özü aparır. Danışıqlar uğurla nəticələnsə, xəbər yayacağıq".
Xatırladaq ki, "Sabah" "Bank Respublika Arena"da keçirilən ilk qarşılaşmada 2:0 hesablı qələbə qazanıb. Səfər görüşü iyulun 14-də olacaq.
KƏNAN BAHADIR
Digər xəbərlər
