"Sabah"ın baş məşqçisi Valdas Dambrauskas oyunöncəsi mətbuat konfransında çıxış edib.

Litvalı mütəxəssis oyun haqda danışıb.

- Burda olmaqdan çox məmnunuq. Çox xoşbəxtik. İstər futbolçular, istərsə də məşqçilər korpusu çox həyəcanlıdı. Birinci qarşılaşmadan fərqli olaraq, oyuna daha çox köklənməliyik. Burda meydança, mühit başqa cür olacaq. Komandalar evdə adətən səfərlə müqayisədə 20-25 faiz daha güclü çıxış edir. Bilirik ki, rahat olmayacağıq. İşin bitdiyini düşünmürük. Cütün taleyi hələ həll olunmayıb. Əlmizdən gələni etməliyik ki, burdan qalib ayrılaq. Sübut etməliyik ki, biz daha yaxşı komandayıq. Bura kimi çox yaxşı səyahət etmişik. Komandada hansısa zədəli yoxdu. Oyundan iki gün əvvəl bura gəlmişik. Yeganə problemin ilk matçda qırmızı vərəqə alan Stiv Solvetin düşərgədə olmamağıdı. Hər halda, keyfiyyətli komanda olduğumuzu göstərməliyik.

- Meydançanın süni olması oyuna nə dərəcədə təsir edəcək?
- Əlbəttə, biz belə meydançaya öyrəşməliyik. Çünki Azərbaycan çempionatında da belə süni meydançalarda çıxış edirik və edəcəyik. Elə çıxış etməliyik ki, qar, yağış, meydança bizim üçün bəhanə olmasın.