“Huner Group”un “Turan Tovuz”un sponsoru olacağını iki gün əvvəl xəbər vermişdik.

Fevralın 11-də isə tərəflər arasında Tovuzda əməkdaşlıq müqaviləsi bağlanacaq. Hazırda çoxlarını bir sual düşündürür. Ehtiram Quliyevin təsisçisi və direktoru olduğu şirkət “boz qurd”ların inkişafına hansı töhfəni verməyi planlaşdırır?

Etibarlı mənbədən “Football-plus.az” saytına daxil olan məlumata görə, yeni sponsor ilkin olaraq Qərb təmsilçisinə 1 milyon manat ayırmağa qərar verib. Bu vəsaitin bir hissəsi, təxminən 250 min manatı Tovuz şəhər stadionunda işıqlandırma sisteminin quraşdırılmasına və arenaya qoyulacaq generatora sərf olunacaq. Bu günə kimi “Turan Tovuz”un ev oyunlarını keçirdiyi idman qurğusunda tablo da yoxdu. Yeni sponsorun gəlişi ilə bu problemin də həll olunacağı gözlənilir.

RƏŞAD