“Görək azarkeşləri cəlb etmək nə dərəcədə real olacaq...” – “Zirə” Gürcüstanda nə edəcək?
Avrokuboklarda çıxış edən komandalarımızın üçü də ilk oyunda qələbə qazandı. “Zirə”nin “Torpedo”nu darmadağın etdiyi oyunda Gürcüstandan gələn 20 azarkeş də var idi. İndi növbə bizimdi.
“Zirə” cavab görüşü üçün Kutaisiyə azarkeş aparacaqmı? Yoxsa qonşu ölkədə yaşayan azərbaycanlıları stadiona cəlb etmək yolunda hansısa addım atılacaq?
“Football-plus.az” bu suallara cavab tapmaq üçün “qartallar”ın mətbuat katibi Elmar Abdullazadə ilə əlaqə saxlayıb:
“Bakıdan azarkeş aparmaq nəzərdə tutulmayıb. Gürcüstandakı vəziyyət ilə bağlı danışıqlar gedir. Görək azarkeşləri cəlb etmək nə dərəcədə real olacaq... Çalışacağıq ki, tribunada yer alsınlar. Bizə 5 faiz yer ayrılıb. Orda nə qədər azarkeş olacağını deyə bilmərəm, amma əvvəlki təcrübələrdə matça bir neçə saat qalmış azarkeşlər bizə müraciət edib, stadionda əyləşməklə bağlı kömək göstərmişik. İndi hələ ki, oyuna bir neçə gün vaxt var. Bu müddətdə nələrin olacağını zaman göstərəcək”.
Xatırladaq ki, cavab görüşü iyulun 16-da keçiriləcək.
İSRAYIL XEYRULLAYEV
Digər xəbərlər
