Son günlər mətbuatda “Turan Tovuz”un yaxın vaxtlarda yeni sponsora qovuşağı ilə bağlı xəbərlər dolaşır.

Kimdi o sponsor, nə əcəb bölgə təmsilçisinin inkişafına sərmayə yatızdırmaq istəyir? Heç kimə sirr deyil ki, ölkədə futbola pul xərcləmək istəyən iş adamları əsasən Bakı klublarına üstünlük verirlər və qısa vaxtda sponsoru olduğu komandanın avrokuboklara vəsiqə qazanmasını istəyirlər.

Əlaqələrimizi işə salıb “boz qurd”lara pul xərcləmək istəyən şirkətin və ya iş adamının kimliyini üzə çıxarmağa çalışdıq. Kluba yaxın mənbələrdən “Football-plus.az” saytına ötürülən məlumata görə, “Turan Tovuz”un inkişafında pay sahibi olmaq istəyən Ehtiram Quliyevin təsisçisi və direktoru olduğu “Huner Group” şirkətidi. Onu da bildirək ki, “Huner Group”a Premium Medical Assistance, "Darçın" aptekləri, Tamam A kimi törəmə şirkətlər də daxildi. “Huner Group”u Tovuz təmsilçisinə sponsor olmağa razı salan isə Futbolun İnkişaf Fondu (FİF) olub. Məhz FİF-in sayəsində şirkət qərb təmsilçisinin inkişafına pul xərcləməyə razı olub. Yeri gəlmişkən onu da qeyd edək ki, premyer-liqanın 20-ci turu çərçivəsində Tovuzda keçirilən “Turan Tovuz” – “Qarabağ” matçını izləyənlər arasında rayonun icra başçısı Məmməd Məmmədov, klubun rəhbər şəxsləri ilə yanaşı, şirkətin prezidenti Ehtiram bəy də olub.

RƏŞAD