Gəncəli azarkeşin Qəbələdə başına gələnlər - AÇIQLAMA
Premyer-liqanın 32-ci turu çərçivəsində dünən Qəbələdə keçirilən “Kəpəz” – “Sumqayıt” matçı başa çatdıqdan sonra xoşagəlməz olay yaşandı.
“Football-plus.az” xəbər verir ki, gəncəli azarkeşlərdən biri meydanı tərk edən “Sumqayıt”ın futbolçusu Vüsal İsgəndərlini plastik butulka ilə vurmaq istədi. Azarkeşin atdığı butulka İsgəndərliyə dəyməsə də, məşqçi Mübariz Orucovu çiyninə dəydi. Bundan sonra stadiondakı asayiş keşikçiləri həmin azarkeşi tutaraq tribunadan çıxartdılar. Və polis maşını tərəf apardılar.
Onun aqibəti necə oldu? Bu suala cavab tapmaq üçün “Kəpəz”in mətbuat katibi Azad Mustafayevlə əlaqə saxladıq:
“Həmin azarkeş qanuna uyğun cərimə olunduqdan sonra azad olundu. Klub rəhbərliyi onun taleyinə biganə qalmadı. Ancaq qanun hamı üçün eynidi. Polis üzərinə düşən işi gördü”.
RƏŞAD
Digər xəbərlər
