Futbol üzrə İspaniya La Liqasının və Sequndanın hakimləri sözügedən turnirləri boykot edə bilərlər.

"Football-plus.az" xəbər verir ki, buna onların tənqid edilməsi səbəb olub.

Ədalət təmsilçiləri növbəti iclasda liqaların dayandırılmasına səbəb olacaq mümkün matçları boykot etməyi müzakirəyə çıxaracaq. Bu yaxınlarda "Polilyas"ın gənclərdən ibarət bir neçə oyunçusu və onların qohumları "Kalavera" ilə qarşılaşmada referi Antonio Pozoya hücum edib. Hətta onu döyərək müxtəlif bədən xəsarətləri də yetiriblər.

Bundan başqa, La Liqadakı bir neçə klub VAR-ın tətbiqinə rəğmən, hakimlərin səhvə yol verdiyini əsas gətirərək onları kəskin tənqid edirlər.