Qətərli nazir: ''Əvvəlki DÇ-ləri nə üçün boykot etmirdiz?''
Qətərdə keçiriləcək dünya çempionatının startına cəmi bir neçə gün qalıb.
Football-plus.az xəbər verir ki, buna baxmayaraq Avropada bəzi siyasətçilər və siyasi fəallar hələ də insan haqlarının pozulması faktlarına görə insanları, futbol dünyasını bu mundialı boykot etməyə çağırır. Bu arada Qətərin əmək və əhalinin sosial müdafiəsi naziri Əli Bin Semih Əl-Marri bu mövzuda diqqətçəkən açıqlamalar verib. O, Avropa Parlamentinin İnsan Haqları Komitəsinin DÇ öncəsi təşkil etdiyi tədbirdə müxtəlif ölkələrin millət vəkillərinin suallarını cavablandırıb. Əl-Marri boykot mövzusu barədə bunları deyib:''Mənim insanları DÇ-ni boykot etməyə çağıranlara bir sualım var. İndiyə kimi hansısa mundialı boykot etmisizmi? Nə üçün məhz indi bizim ölkə turniri keçirməyə hazırlaşarkən bu məsələ belə aktual olub? Əvvəlki DÇ-ləri təşkil edən ölkələrdə hər şey ideal idimi? Məsələn, 2018-də nələr baş verdiyini bilirdizmi? Biz cinsi azlıqları və ya bu yolu seçənləri qınamırıq. Hər kəs Qətərdə böyük məmnuniyyətlə qarşılanacaq. Bu, Qətərdə bütün məmurlara ən yüksək səviyyədə verilən tapşırıqdı. İşçilərin DÇ-dən öncə öz ölkələrinə qovulması və haqlarının pozulması məsələsinə gəlincə, bu problemin həlli üçün də xüsusi mexanizm qurulub. Haqqı pozulan və təzminat tələb edən hər kəs konkret bu məsələ üçün yaradılan komitəyə baş vura bilər. Təzminatlar üçün böyük bir fond yaradılıb. İndiyə qədər işçilərə 350 milyon dollara yaxın məbləğ ödənilib. Qətərlə bağlı ortaya atılan iddialar məlumatsızlıqdan və informasiyanın düzgün ötürülməməsindən irəli gəlir. Çalışın, məlumatı düzgün qaynaqdan öyrənin. Hər kəsi ölkəmizə dəvət edirəm. DÇ-2022 tarixin ən yaddaqalan turnirlərindən biri olacaq''.
Digər xəbərlər
