Xəbər verdiyimiz kimi, sabah saat 20.00-da "Bank Respublika Arena"da Çempionlar Liqasının 2-ci təsnifat mərhələsinin "Sabah" - KuPS oyunu start götürəcək. Finlandiya təmsilçisinin baş məşqçisi Miika Nuutinen dünən oyunöncəsi mətbuat konfransı keçirib: “Bakıda olduğumuza görə şadıq. Bizi çətin qarşılaşma gözləyir. “Sabah”ın ilk təsnifat mərhələsindəki matçlarını izləmişik. Rəqib komanda topla yaxşı rəftar edir. Onları təhlil etməyə çalışdıq. Hər şey meydanda bəlli olacaq. Lakin real danışmaq lazımdırsa, cütün favoriti “Sabah”dı. Diqqətimizi bu matça yönəltmişik”.