"Sabah" sabah Çempionlar Liqasının 2-ci təsnifar mərhələsinin oyununda Finlandiya təmsilçisi KuPS-u qəbul edəcək.

"Football-plus.az" xəbər verir ki, Azərbaycan çempionunun baş məşqçisi Valdas Dambrauskas bu gün oyunöncəsi mətbuat konfransı keçirib.

- Gözləntilərimiz yüksəkdi. Heyətdə zədəli futbolçu yoxdu, hamı oynamağa hazırdı. Ən yaxşı keyfiyyətlərimizi göstərməyə çalışmalıyıq. Özümüz üçün, azarkeşlərimiz üçün sabah qalib gəlməliyik. Qələbə qazanmaq üçün əlimizdən gələni edəcəyik.

- "Sabah"ın gücü Çempionlar Liqasında hara qədər getməyə imkan verir?
- Bu barədə danışmaq üçün çox tezdi. Evdə oynayırıq, favoritik. Amma öz işimizi görməliyik. Kağız üzərində kimsə üstün görünə bilər. Amma bunu meydançada sübut etmək lazımdı. Bu yol çox uzundu. Hələ ki bu barədə danışmağın mənası yoxdu. İcazə verin sabahkı oyuna köklənək.

- "Sabah" optimal formaya nə vaxt çata bilər? Komandanın indiki durumu sizi qane edir?
- Rəqib öz çempiontlarında 16 oyundan sonra optimal formasına çatıbsa, mən bunu bizim üçün deyə bilməyəcəm. Ola bilər ki, 5 və ya 10 oyundan sonra istədiyimiz formaya çataq. Hər mövsüm, hər rəqib fərqlidi. Bu, çox vaxt bizim özümüzdən də asılıdır. Hansı heyətin, oyun planının seçilməsi önəmlidi. Bizim üçün ən önəmli oyun qarşıdan gələn oyundu.

- Hücum xəttində rəqabətin olması məsuliyyətini artırır?
- Bəli. Əlbəttə, rəqabət olmalıdı. Rəqabət varsa, məşqlərdə ən yaxşı performansımızı artırmalıyıq. Öz işimi görməliyəm. Daha çox qol vurmalıyam ki, baş məşqçi məni seçsin. KuPS çox güclü rəqibdi, onu təhlil edirik. Çalışacağıq ki, ən yaxşı performansımızı göstərək. İnanıram ki, sabah qalib gələcəyik.